soch Kaise kaise

Kabhi kabhi har din kitna bozil sa lagta hai. Koi samachar padh kar lagta hai ki kyun roz vahin kahaniya dohrai jati hai? kyun roz hi ek hi natak ko naya naya labada odha kar pash karna padta hai. isi baat ko soch soch kar to sab se man pasandida kaam akhbaar padhna bhi ubau lagne lagta hai. Per fir bhi hain to insaan hi na jo nahi karna usi per dyaan rahta hai aur roz hum fir subha uthe hi akhbaar padhna shuru kar dete hai.

Itna he nahi dil aur dimaag ko nhi to ek i jagha rakhne ki kitni joothi koshish karte rahte hai hum, lekin vo fir se ulti dishao main hi bhtakte rahte hai. Agar dil kahega yeh karna hai to dimaag ulta chalega. Aur hum aur aap bus khud ko in dono ki kashmkash main piste hue dekhne k ilava kuch kar hi nahi pate. Per chalo aacha hi hai kisi kaam main to lage rahte hai dil aur dimaag nahi to inke pass hume tang karne k ilawa kaam hi kya rakha hai chalo theek hi hai isi bhane hum bhi thoda sa kuch naya karne ki koshish kar lete hai, nahi to agar rozana zindagi ki tarha hum khud se hi Ubne lage to .......?